კურორტების განვითარების სააგენტოს მხარდაჭერით, რაჭა-ლეჩხუმისა და ქვემო სვანეთის მხარეში, კურორტ მუაშში, ზამთრის სპორტის სახეობა - ბიატლონში სამოყვარულო შეჯიბრი გაიმართა
25 Feb 2025
შეჯიბრებაში ადგილობრივი და სხვადასხვა რეგიონიდან მოწვეული მოთხილამურეები ერთმანეთს თხილამურებით რბოლასა და შაშხანის მიზანში სროლაში შეეჯიბრნენ. გამარჯვებულები ოქროს, ვერცხლისა და ბრინჯაოს მედლებით, თასებით, სიგელებითა და ფულადი პრიზები დაჯილდოვდნენ.
კურორტ მუაშში ბიატლონის ტურნირი უკვე მეორედ ჩატარდა. ღონისძიების მხარდამჭერები არიან კურორტების განვითარების სააგენტო და MTA - Mestia, ხოლო ორგანიზატორები: ლენტეხის მუნიციპალიტეტის მერია, შპს „ბიატლონ სვანეთი“ და ბიატლონის ეროვნული ფედერაცია.
კურორტების განვითარების სააგენტო აქტიურად განაგრძობს ყველა იმ ღონისძიებისა და ინიციატივის მხარდაჭერას, რაც კურორტების აღორძინებასა და მათთვის ტურისტული მიმზიდველობის დაბრუნებას უწყობს ხელს.
